Хүн төрөлхтний аз жаргалд тэмүүлэх нийтлэг хүсэл эрмэлзлийг дэмжих зорилготой International Day of Happiness өнөөдөр тохиож байна. Энэ өдрийг тохиолдуулан дэлхийн нэр хүндтэй судалгааны байгууллагууд улс орнуудын аз жаргалын түвшний талаарх тайлангаа нийтэллээ.
University of Oxford-ийн дэргэдэх Аз жаргал, сайн сайхан байдлыг судлах төвөөс гаргадаг “Дэлхийн аз жаргалын тайлан”-д Finland улс ес дэх жилдээ дараалан дэлхийн хамгийн аз жаргалтай орноор нэрлэгджээ.
Түүнчлэн Iceland, Denmark улсууд удаах байруудад бичигдсэн бол Sweden, Norway улсууд эхний зургаад багтсан хэвээр байна.
Судлаачдын үзэж буйгаар эдгээр орнуудын нийгмийн халамжийн бодлого, иргэдийн харилцан итгэлцэл, амьдралын тэнцвэртэй хэв маяг нь аз жаргалын өндөр түвшинд хүрэхэд чухал нөлөө үзүүлдэг байна.
Ipsos: Дэлхийн 74% нь өөрсдийгөө аз жаргалтай гэж үзжээ
Маркетинг, судалгааны Ipsos компани жил бүр явуулдаг судалгаандаа энэ удаа 29 улсын 16–74 насны 23 мянга гаруй хүнийг хамруулжээ.
Судалгааны дүнгээр оролцогчдын 74 хувь нь өөрсдийгөө аз жаргалтай гэж хариулсан байна.
-
Тэргүүлсэн улс: Indonesia (86%)
-
Дараагийн байрууд: Netherlands, Mexico
Харин хамгийн бага үзүүлэлттэй орнуудад:
-
Hungary (54%)
-
South Korea (57%)
-
Turkey (59%) багтжээ
Сонирхолтой нь, Turkey улсад 2011 оноос хойш аз жаргалтай гэж хариулсан хүмүүсийн хувь хамгийн ихээр буюу 30 нэгжээр буурсан үзүүлэлттэй байна.
Ipsos-ийн судлаачдын дүгнэснээр дэлхий даяар өндөр орлоготой, ахмад насны хүмүүс өөрсдийгөө илүү аз жаргалтай гэж үнэлэх хандлага түгээмэл ажиглагджээ.
Сэтгэгдэл бичих