Тус эмнэлэгт 61 настай эмэгтэй өвчтөн элэгний B, C, D вирусийн хавсарсан хатуурал болон элэгний эрт үеийн хавдартай гэж оношлогдсон байна. Өвчтөний амь насыг аврах зорилгоор элэг шилжүүлэн суулгах мэс засал хийх шаардлагатай болсон бөгөөд түүний 31 настай охин нь донор болжээ.
Эмч нар донороос элэгний хэсгийг дурангийн буюу бага зүслэгтэй мэс заслын аргаар тайрч авсан нь энэ төрлийн өндөр нарийн технологитой мэс заслыг Монголын эмч нар анх удаа бие даан хийсэн тохиолдол болж байна.
Энэхүү арга нь уламжлалт нээлттэй мэс засалтай харьцуулахад:
-
зүслэгийн хэмжээ бага,
-
цус алдалт багатай,
-
өвчтөн хурдан эдгэрдэг,
-
донорын биед учрах эрсдэл харьцангуй бага байдаг давуу талтай юм.
Эмч нарын мэдээлснээр мэс засал амжилттай болж, донор болон өвчтөний биеийн байдал тогтвортой байгаа аж
Сэтгэгдэл бичих