**2026 оны **1 р сарын 30-нд болсон гэж олон эх сурвалж мэдээлж байна.
Австрали улсын Баруун Австралийн эргийн бүсэд амарч явсан нэгэн гэр бүл далайн хүчтэй салхи, давалгаанд өртөн эргээс холдон аюултай нөхцөл байдалд орсныг 13 настай хүү дөрвөн цаг орчим усанд сэлж эрэгт хүрч тусламж дуудсанаар гэр бүлийнхнээ аварсан тухай The Guardian сонин өнөөдөр мэдээллээ. Уг явдал Куиндалупын эргийн орчимд болсон бөгөөд гэр бүлийнхэн усан завь болон сэлүүрт хэрэгслээр зугаалж байх үед салхи ширүүсч, тэдний унаж явсан хэрэгслүүд урсгалд туугдан эргээс нэлээд холдсон байна. Нөхцөл байдал хүндрэхийн хэрээр эх нь 13 настай хүүдээ эрэг хүрч тусламж дуудахыг зөвшөөрсөн нь “амьдралдаа гаргасан хамгийн хэцүү шийдвэрүүдийн нэг байсан” хэмээн хожим ярьжээ. Хүү эхэндээ каяк ашиглан ойртож үзсэн ч ус дүүрч эхэлснээр хаяж, улмаар дангаар олон цагийн турш хүйтэн усанд сэлэн эрэгт хүрсэн байна. Тэрээр газар хүрмэгцээ аврах албанд мэдээлэл өгч, үүний дагуу эрэн хайх, аврах ажиллагаа шуурхай эхэлснээр усанд хөвж байсан ээж болон дүү нарыг аюулгүй гарган авчээ. Аврах албаныхны мэдээлснээр тухайн өдөр далайн ус хүйтэн, салхи тогтворгүй байсан нь хүний биеийн тэсвэрт хүнд сорилт болсон ч хүүгийн тэвчээр, шийдэмгий үйлдэл гэр бүлийн амийг аварсан чухал хүчин зүйл болсон байна. Орон нутгийн цагдаа болон аврах багийнхан уг явдлыг “онцгой эр зоригийн жишээ” хэмээн үнэлж, далайн аялал хийх үед цаг агаарын нөхцөлийг урьдчилан сайтар тооцоолох, хамгаалалтын хэрэгсэл бүрэн ашиглах шаардлагатайг олон нийтэд анхааруулжээ.
Сэтгэгдэл бичих