Английн аварга шалгаруулах тэмцээний 20 дугаар тойргийн тоглолтод “Манчестер Сити” баг талбайдаа Лондоны “Челси”-тэй 1:1 харьцаагаар тэнцлээ.
“Этихад” цэнгэлдэх хүрээлэнд болсон тоглолтын 42 дахь минутанд Тижани Рейндерс эхний гоолыг оруулсан бол 90+4 дэх минутанд зочин багийн Энцо Фернандес тоог тэнцүүллээ. “Ман-Сити”-гийн хамгаалагч, Хорватын хөлбөмбөгчин Йошко Гвардиол тоглолтын 51 дэх минутанд бэртэл авснаар талбайг орхижээ.
Хосеп Гвардиолагийн дасгалжуулж буй “Манчестер Сити” баг Английн Премьер Лигийн тэмцээнд 8 тоглолт дараалан хожигдолгүй явж байгаа бөгөөд 6 хожиж, 2 тэнцжээ. Ингэснээр 42 оноотойгоор тэмцээний хүснэгтийн хоёрдугаарт бичигдэж, тэргүүлэгч “Арсенал”-аас 6 оноогоор хоцорч байна. Харин “Челси” баг дасгалжуулагч Энцо Марески явснаас хойших анхны тоглолтоо Калум Макферлейн удирдлага дор амжилттай хийж, 31 оноотойгоор хүснэгтийн 5 дугаарт бичигдлээ.
Дараагийн тойрогт “Ман Сити” баг “Брайтон”-ыг хүлээж авах бол “Челси” баг “Фүүлхэм”-тэй талбайд нь тоглоно. Эдгээр тоглолт лхагва гарагт болно.
Сэтгэгдэл бичих