Сүүлийн үеийн судалгаагаар дэлхийн хүн амын ихэнх хувь нь сошиал медиа ашиглаж байна, энэ нь зөвхөн харилцаа холбоо биш олон талын нийгмийн, эдийн засгийн хүчин зүйл болж хувирсныг харуулж байна. Одоогоор дэлхийн хэмжээнд ойролцоогоор 5.66 тэрбум хүн сошиал медиа ашиглаж байна, энэ нь дэлхийн хүн амын 70 орчим хувьтай дүйж байна. Энэхүү тоо 2024 оноос 4.8%-иар өссөн бөгөөд жил бүр дэлхийн олон сая шинэ хэрэглэгч нэмэгдсээр байна. Эрчимтэй өсөлт нь интернэт холболт, гар утасны хэрэглээ, онлайн үйлчилгээний хүртээмж нэмэгдсэнтэй холбоотой.Дундаж хүн өдөрт 2 цаг 20 минут орчим сошиал медиа платформууд дээр зарцуулдаг. Энэ хугацаа нь мэдээлэл авах, харилцах, видео үзэх, дэлгүүрээр худалдан авах хүртэл олон төрлийн үйлдлийг багтаадаг. Хэрэглэгчдийн тоо жил бүр нэмэгдэж байгаа нь олон улсын брэнд, маркетинг, хэвлэл мэдээллийн стратегид томоохон нөлөө үзүүлж байна. Сошиал медиа зөвхөн залууст төдийгүй бүх насны хүний хэрэглээнд өргөн тархаж байна бөгөөд эдийн засаг, соёл, улс төрийн салбарт нөлөөлөх хүч болж байна.
Эдгээр статистик нь:Дэлхийн олон хүн онлайнаар харилцаж, мэдээлэл солилцож байгаа
Сошиал медиа нь хэвлэл мэдээлэл, сурталчилгаа, контент үйлдвэрлэлд төвлөрсөн ертөнцийн гол платформ болж байгаа.Онлайн орчин нь төгс зугаа цэнгээнээс хальж худалдаа, улс төр, боловсрол, эрүүл мэндийн мэдээлэл түгээх чухал суваг болж байна гэдгийг тодорхой харуулж байна.
Эх сурвалж: Digital 2026 Global Overview Report
Сэтгэгдэл бичих