2025 оны намраас МАН-ын даргын сунгаанаас эхэлсэн дотоод хагарал он дамжин үргэлжилсээр байгаа нь Улаанбаатар хотын даргыг харлуулж буй байдлаар илэрч байна. Учир нь Амарбаясгалан нүүрсний хулгайч, мөн хүний аминд хүрсэн хэмээн хэвлэлээр битүү шуугисаар түүнийг нам жим болгож, намыг гартаа авсан Ерөнхий сайд болон түүний ард буй фракцын санаа нэг хэсэг амарсан. Гэвч Засгийн газар үйл ажиллагаа явуулж байхдаа дэд сайд томилж олон нийтийн дургүйцлыг хүргэж, түүний галыг намдааж сенсаци тарьдаг хэвлэлийн ажилтнууд ч үүргээ маш сайн гүйцэтгэсэн. Үйл явдлыг тоймлон харвал одоо нийслэлийг тус фракц атгах үлдлээ. Учир нь Нийслэл бол МАН-д хамгийн том хүч учир Х.Нямбаатар олон төсөл эхлүүлж, тус төсөл амжилттай хэрэгжээд явж байгаа бөгөөд бэлэн хоолон дээр суух гэсэн МАН-ын цөөврүүд дайрч эхэлсэн нь энэ юм.Одоо Х.Нямбаатараас муу хүнгүй болж, түүнийг дарж авч дайрч санаагаа амрааж, буцаад нийслэл орхигдсон хот шиг болох нь. Учир нь одоо байгаа засгийн газар дэд сайд томилж, улсаас нэмэх байсан тог цахилгааны үнийг нэмэхгүй болгож иргэдийн бухимдал галыг дарлаа. Гэвч байдал намжсангүй ахмадууд тэтгэврээ нэмүүлэхээр тэмцсээр байгаа бөгөөд эмч багш нар өөрсдийн төлөө тэмцэж жагсаагүй бол цалин нэмэх байтугай Ц үсэг ч үгүй оныг угтах байлаа. Хэн нь ч даргаараа үлдсэн иргэдэд ашигтай байж, Улаанбаатар хотод хэрэгжиж буй бүх төсөл урагшлаасай. Учир нь сонгууль болоход 2 жил үлдлээ. Энэ хугацаанд хэрүүлээс өөр, хямралаас өөр шидгүй байгаа МАН-д иргэд дийлэнх нь дургүй байна.
Угтаа хотын даргын шийдвэр МАН-ын шийдвэр. Бөөн Хятад боллоо Хятадаар дүүрлээ гээд байгаа нь МАН-ын л хийж байгаа ажил Х.Нямбаатардаа ч биш юм. Х.Нямбаатар байсан байгаагүй энэ бүх үйл явдал үргэлжилнэ л гэсэн үг л дээ.
Бид ч гэж бид эмх цэгц, цэвэрхэн хотод дургүй, утаа багасаад байх шиг гэхээр худлаа гээд дайраастай, инфлюнсерүүд нь яг галлагааны үеэр уулан дээр гарч зураг дарж уянгалаастай. Цаанаасаа л бүх юм угаасаа бүтэхгүй байгаа юм шиг соошлын хэдэн хүмүүст итгэн уурлаж зүхээстэй. Мэдээж утаа түгжрэл хурдан арилахгүй. Бүгд шийдэл хайж гарц хайж байж бүх зүйлийг цэгцэлнэ. Дахиад нэг хотын дарга гарч ирээд дахиад бөөн өөрчлөлт туршилт дахин эхэлнэ. Хэрвээ өнгөрсөн 30 жилийг та бүгд сайн бодвол хэн ч юуг ч шийдэж чадаагүй ээлжилж хооллосоор ирсэн. Харин яг ажил эхлүүлсэн хүнээр ягштал хийлгээд явчихмаар л санагдах юм.Гэхдээ хийлгэх хийлгэхгүйг иргэд мэдмээр байх юм. Гэхдээ энэ бүгд МАН-ын зохиолын дагуу үргэлжилнэ. Тэрэнд иргэд эсэргүүцсэн мэт л дүр төрх бий болгоод дуусна. Хүн хүний бодол өөр ч Монголчуудын хүрэх цэг нэг учраас соошил сэвээнд итгэхгүй нүдээрээ харж, өөрийн мэдэрсэндээ итгэвэл ямар вэ?
Эцэст нь МАН яана уу ийнэ үү иргэдэд хамаагүй. Бид тайван цэвэрхэн хотод хангалттай цалин авч, татвар өрийн дарамтгүй, амьсгалах агаартай, ядаж ядарч амьдрах биш ялж жаргаж амьдармаар байна. Үүнийг уншсан хүн хиамчин гэх л байх. Гэхдээ дахиад л дараагийнх нь хоолонд орсон чөтгөрийн тойргоос залхаж байна. Ядаж тэр тойрогт иргэдийн амьдрал сайжирдаг бол яахав гэхсэн.
Сэтгэгдэл бичих