ХҮН намын гишүүд, дэмжигчдэд арван жилийн ойн мэндийг хүргэе.
Өнгөрсөн арваны богинохон хугацаанд өөрсдийн гэсэн байр суурь, гишүүд, дэмжигчдийн хүрээтэй болж, өнөөдөр парламентад суудалтай нам ХҮН намын удирдлага, гишүүд, дэмжигчид та бүхэнд арван жилийн ойн мэндийг өргөн дэвшүүлье.
Хүн рүү чиглэсэн бодлого, хүний эрх, эрх чөлөө, ялангуяа хөдөлмөрлөж, баялаг бүтээх эрх чөлөөг дээдлэх хүмүүнлэг эрх чөлөөний үзэл баримтлал нь өнөөдрийн Монголын улс төрийн орчинд нэн ихээр үгүйлэгдэж байна.
Монгол хүний үнэ цэн, үндэсний язгуур эрх ашгийг нэгдүгээрт тавьж, эх орноо “дэлхийн Монгол” болгон хөгжүүлэх алсын хараагаа Та бүхэн зарчимтай хамгаалж, Монгол улсаа хөгжүүлэх, парламентын ардчиллаа бэхжүүлэх зарчмын зам дээр хамтдаа байна гэдэгт итгэж байна.
Ардчилсан намын дарга, УИХ дахь АН-ын бүлгийн дарга Одонгийн Цогтгэрэл
Сэтгэгдэл бичих