Цагтаа Японы Эзэн хааны цомыг хүртэж явсан Тэрүнофүжи Г.Ган-Эрдэнэ Харү башёд Жониданы 48-д эрэмбэлэгдсэн билээ. Таван башё дараалан өнжөөд буй Тэрүнофүжигийн талаар Исэгахама ояката “Дээд зиндаа руу аажмаар дахин буцаж очихын тулд Тэрүнофүжи гэмтлээ бүрэн эдгээх шаардлагатай. Дахин дохёд гарч, дээд зиндаа руу дэвшин барилдаж чадна гэдэгтээ итгэлтэй байгаа” хэмээжээ.
Сүмогийн түүхэнд өмнө нь экс-озеки цолтон хэзээ ч макүшитагаас доош зиндаанд барилдаж байгаагүй бөгөөд Тэрүнофүжи Гантулгын Ган-Эрдэнэ “Би жил хагасын хугацаанд буцаад макүүчид гараад ирэх байх гэж бодож байна. Хэрэв чадахгүй бол би эр хүн биш. Ялах нь чухал, гэхдээ 7 өдрийн барилдаанаа дуусгана гэдэг ч ялгаагүй чухал зүйл.
Хүмүүс намайг жонидан зиндаанд түрүүлэх нь ойлгомжтой гэж ярьж байгаа, гэхдээ би бол тэгж бодохгүй байна” хэмээсэн ажээ.
Сэтгэгдэл бичих