ХҮҮХЭД ХӨХӨӨ ХӨХӨХ ҮЕД эхийн хөхний толгойд үүссэн мэдрэлийн сэрэл өнчин тархинд очдог. Өнчин тархины урд хэсгээс ПРОЛАКТИН даавар, арын хэсгээс ОКСИТОЦИН даавар ялгарч эхийн цусаар дамжин хөхөнд очно. Пролактин дааврын нөлөөгөөр хөхний цулцанд цулцангийн эпитель эсүүдээс хөхний сүү шүүрнэ. Окситоцин дааврын нөлөөгөөр цулцангийн гадуур байрлах булчингийн эсүүдийг агшааж боловсорсон сүүг гадагшлуулна.
Хөх чинь чинэрч хатуурч эхлээд, эвлээд сүү нь өөрөө аандаа гоожоод ирж байна уу? Тэр чинь л та Окситоцин дааврын рефлексийг мэдэрч байгаа хэрэг. Хүүхдээ бодох, харах, түүнд хүрэх, хүүхдээ уйлахыг сонсох үеийн эхийн мэдрэмж нь окситоцины рефлексийг өдөөж боловсорсон сүүг гадагшлуулж өгдөг хэрэг. Харин хүүхдээ хөхүүлэхгүй, хөхүүлэх тоо давтамж бага байх юм бол түүнийхээ хэрээр өнчин тархинаас ялгарах Пролактин дааврын нийлэгжил багасаж сүүний боловсруулалт буурна.
Тэгэхээр хөхний сүүг тогтвортой сайн байлгах ганц арга зам бол сайн хоол унд биш, хүүхдээ хөхүүлэх л явдал юм. Амаржсан ээжид мэдээж сайн чанарын хоол унд зайлшгүй хэрэгтэй. Энэ нь жирэмсэн үед болон төрөх явцад алдсан тамир тэнхээгээ нөхөж хүүхдээ асарч сувилах эрч хүчээ сэргээхэд тусална. Сүүний найрлагад нөлөөлж болох ч сүү үүсэлтэд буюу сүүний гарцыг нэмэгдүүлэхэд ямар ч нөлөө үзүүлэхгүй. ЭХИЙН СҮҮГЭЭР ХООЛЛОЛТЫГ ДЭМЖИХ ДЭЛХИЙН ДОЛОО ХОНОГ 2025
Эхийн сүү бол хүүхдийн амьдарлыг тэтгэгч эм юм.
Сэтгэгдэл бичих