Олны анхаарал татсан нэгэн авлигын хэргийг шүүх хурал өнөөдөр буюу 2025 оны 5 сарын 1-ний өдөр болох тов гарсан гэнэ. Ийнхүү гурван жил унжирч сунжирсны эцэст шүүх хурал сая нэг болох нь. Яаралтай түргэн тусламжийн төв буюу 103-ын эмч, удирдлагууд нас барсан иргэдийн мэдээлэл, хаягийг буяны компанид зарж, оронд нь их хэмжээний хахууль авдаг гэх гэмт хэрэг юм.
Яаралтай түргэн тусламжийн төвийн дарга С.Ариунболд, МУГТ Т.Үйтүмэн гэх мэтийн 10 гаран хүн нэр холбогдсон нэлээд өндрөө авсан ноцтой хэрэг юм байна. Бид энэхүү авлигын хэрэгт ямар хүмүүс оролцоотой талаар мэдээлэл цуглуулахыг оролдлоо. Тэдний толгойлогч буюу гардан зохион байгуулагч нь уг төвийн дарга С.Ариунболд аж.
Тэгвэл С.Ариунболд гэгч нь хэвлэлд мэдээлэл өгөхдөө манайхтай хамтарч ажиллах санал удаа дараа ирж байсан хамтарч ажиллах ёсгүй тул татгалзсан гэж удтал гүрийсний эцэст сая нэг үнэнд гүйцэгдэж хийсэн хэрэг нь ил болж буй бололтой.
Хамгийн ноцтой нь салбарын яам, харьяа агентлаг нь С.Ариунболд тэргүүтэй хүмүүс гэмт хэрэгт холбогдсоныг мэдсээр байж ажлаас нь чөлөөлсөнгүй. Ингэснээр авилгийн хэргийг бүүр мэргэжлийн түвшинд цэцэглүүлэх боломжийг төр засаг өөрөө олгож байна. Ингэхэд түргэн тусламжийн төвийн 140 гаруй эмч, ажилчдын нэр хүндийг хэн хамгаалах вэ? Удирдлагуудынхаа буруугаас болж нийт ажилчид буяны компаниудаас 100 сая төгрөг авдаг гэсэн нэр зүүгээд удаж байна.
Чанцалын Бэлгүүтээ
Сэтгэгдэл бичих