Өөрийгөө нас барсан хэмээн хуурамч бичиг баримт бүрдүүлж, хариуцлагаас зайлсхийсэн иргэний хэргийг Цагдаагийн байгууллагаас шалгаж, шүүхэд шилжүүлжээ. Тодруулбал, иргэн Т нь бусадтай бүлэглэн 2018-2022 оны хооронд хуурамч бичиг баримт үйлдэж, орон сууц худалдан борлуулна гэх нэрийдлээр иргэдийг залилж, бусдад 460 орчим сая төгрөгийн хохирол учруулсан хэрэгт холбогдон шалгагдаж байх хугацаандаа өөрийгөө нас барсан гэж хуурамч бичиг баримт бүрдүүлж, нас барсны гэрчилгээ гаргуулан авсан байна.
Уг лавлагааг үндэслэн шүүхээс 2023 онд иргэн Т-д холбогдох эрүүгийн хэргийг Эрүүгийн хэргийн хянан шийдвэрлэх тухай хуульд заасны дагуу шүүгдэгч нас барсан гэх үндэслэлээр хэргийг хэрэгсэхгүй болгож шийдвэрлэжээ.
Харин дээрх мэдээллийн дагуу цагдаагийн байгууллагаас хуульд зааснаар хэрэгсэхгүй болгосон хэргийг сэргээн, мөрдөн шалгах ажиллагааг явуулж байна. Иргэн Т-г хэрэгт шалган шийдвэрлэх ач холбогдох бүхий нотлох баримтыг хуурамчаар үйлдсэн, хүний хувийн байдлыг тодруулсан, гэрчилсэн баримт бичгийг хуурамчаар үйлдсэн хэрэгт Монгол Улсын эрүүгийн хуулийн 17.3, 21.1, 23.2 дугаар зүйлд зааснаар яллагдагчаар татах саналтай прокурорын байгууллагад шилжүүлсэн талаар Цагдаагийн байгууллагаас мэдээллээ.
Эх сурвалж:news.mn
Сэтгэгдэл бичих