Ерөнхийлөгчийн сонгуульд Парламентад суудалтай намууд хуулийн дагуу нэр дэвшигчээ тодруулна. Гэхдээ эрх нь байна гээд хэний ч хамаагүй нэр дэвшүүлж болдоггүй. Нэр дэвшигчид нь ёс зүй хийгээд улс орны хэмжээний нэр хүндтэй байх ёстой.
Улс төрийн гол тоглогч Монгол Ардын Намаас гэвэл УИХ-ын дарга асан Г.Занданшатар, Батлан хамгаалахын сайд С.Бямбацогт, Хотын дарга Х.Нямбаатар, Мөн засгийн газрын гишүүн Ж.Энхбаяр гэсэн нэрсийг дурдаж болно. Эндээс Х.Нямбаатар нийслэл үү чиглэсэн далайцтай ажлууд эхлүүлсэн учир нэр дэвших магадлал тун баг. Мөн Ж.Энхбаяр ЖДҮ-тэй нэр холбогдсон учраас дэвших эрхээ авч чадахгүй байх магадлалтай.
Ардчилсан намаас гэвэл Намын дарга Лу.Гантөмөр Ерөнхий сайд асан Н.Алтанхуяг Улсын их хурлын гишүүн С.Ганбаатар нарыг дурдаж болно. Гэвч ардчилсан нам дотооддоо олон фракцтай учраас фракц хоорондын зодоон эсвэл эрх ашгаа яаж нэгтгэхээс бүх зүйл хамаарна. ИЗНН Эмэгтэйчүүдийн манлайллыг ярьдаг ч хэрэгжүүлж чадахгүй яваа. Хуульд зааснаар намын дарга Батын Батбаатар хэдий 50 насны босго давсан ч ирэх ерөнхийлөгчийн сонгуульд ардчилсан намтай эвсэх магадлал тун өндөр.
ХҮН намын дарга Т.Доржханд 2027 онд яг 50 нас хүрч буй хэдий ч сонгуульд эсэх үү дангаар оролцох үү гэдэг нь хамтарсан засгийн газрын хувь заяанаас ихээхэн хамаарна. Үндэсний эвслээс МАК-ын Нямтайширыг ерөнхийлөгчид дэвшинэ гэсэн мэдээлэл нэг хэсэг хэвлэлээр хөвөрсөн. Хүү Номтойбаяр нь 1978 онд төрсөн учраас хуульд заасан 50 насны босго давахгүй байна.
Чанцалын Бэлгүүтээ
Сэтгэгдэл бичих