ОХУ-ын ерөнхийлөгч Владимир Путин цөмийн зэвсгийг байрлуулах журамд өөрчлөлт оруулахыг уриалсан байна. Мөн үүнийг ашиглах талаар цухуйлгажээ. Тэрбээр Лхагва гаригт тус улсын Аюулгүйн зөвлөлийн цөмийн зэвсгээс сэргийлэх асуудлаар хуралдаж, өнөөгийн цэрэг, улс төрийн нөхцөл байдал эрс өөрчлөгдөж байгаа тул нухацтай алхам хийх хэрэгтэй гэжээ.
Цөмийн зэвсэггүй улс орон цөмийн зэвсэгтэй гүрний оролцоо эсвэл дэмжлэгтэйгээр халдлага үйлдэхийг хамтарсан дайралт гэж үзнэ гэж Путин хэлсэн байна.
Энэ нь Орос цөмийн зэвсэг ашиглаж магадгүй гэх хардлага төрүүлж буй. Хэрэв гадаад орноос олон тооны пуужин, нисэх онгоц хөөргөсөн, Оросын хилээр нэвтэрсэн гэх найдвартай мэдээлэл ирэх бол Москва цөмийн зэвсэг ашиглах хувилбарыг авч үзэх болно гэж Путин сануулжээ.
Украин Орос дахь бай руу довтлох боломжийг олгохын тулд барууны орнуудаас холын тусгалын зэвсгийн хэрэглээнд тавьсан хязгаарлалтыг цуцлахыг хүсч байна. Уг хүсэлтийг эсэргүүцэж, Путин сануулга өгсөн нь энэ юм.
Сэтгэгдэл бичих