УИХ-ын гишүүн Д.Сарангэрэл:
Амьдрал гэнэтийн бэлгээр дүүрэн юм. БНЧех улсын элчин сайд хугацаа нь дуусаад буцах гэж буй. Хамт кофе ууя гэж урьлаа. Яваад очтол тус улсын гадаад яамнаас олгодог дурсгалын медаль гардуулж өглөө. Юуны учир юм бол гэтэл Эрүүл мэндийн сайдаар ажиллаж байхдаа Чех-Монголын эдийн засгийн хамтын ажиллагааны комиссын даргаар амжилттай ажилласан, Байгаль орчны сайдын албыг хаших үедээ Тахь эргүүлэн нутагшуулах үйлсийг дэмжсэнийг тодотгожээ. Ажил хэрэгч атлаа төлөв даруу, эх оронд маань ээлтэй эрхэмсэг элчин сайдтай олон чиглэлээр хамтарч ажиллаж байсан билээ.
Эмнэлэгт тоног төхөөрөмж нийлүүлэх, бизнес эрхлэгчдээ дэмжих гээд тоочвол гайгүй жагсаалт гарна. koвидын улмаас эмнэлгийн тоног төхөөрөмжийн 2 дахь ээлж түр хойшилсон ч ирнээ гэж элчин сайд маань хэлж байна. Бас зүүн бүсэд Тахь нутагшуулах ажил үргэлжилнэ гэдгийг Иржи Бродски сайд дуулгалаа. Сайн сайхныг хүсье. Монгол-Чехийн уламжлалт харилцааг улам бүр хөгжүүлэхэд элчин сайд Таны оруулсан хувь нэмэр их ээ. Баярлалаа Танд #гэжээ.
Сэтгэгдэл бичих