СХД: “ЗАЛУУС” хорооллын гадна талбайн газар чөлөөлөлтийн ажил эхэллээ

Нийслэлийн засаг даргын 2021 оны А/250, дүүргийн Засаг даргын 2021 оны А/131 дугаар захирамжийг үндэслэн 38 дугаар хорооны “Залуус” хорооллын гадна талбайн хуучны объектууд буулгаж, газар чөлөөлөх ажил өнөөдөр эхэллээ.
Тус хотхонд 1300 орчим өрхийн 5000 гаруй оршин суугч амьдардаг бөгөөд оршин суугчид автомашины зогсоол, гарц нээх асуудлыг шийдвэрлэж өгөхийг удаа дараа уламжилсан, эдгээр объектуудыг чөлөөлснөөр 1400 мкв талбайд автомашины зогсоол байгуулах боломж бүрдэх юм.