Улсын хэмжээнд өнөөдрийн байдлаар цахилгааны хэрэглээний 11-р сарын төлбөр тооцооны төвлөрүүлэлт 51.7 хувь, дулааных 70 хувьтай байна. Хэрэглэсэн цахилгаан, дулааны төлбөрийг дараагийн сард нь нэхэмжилдэг.
Хэрэглэгчийн төлбөр цуглуулалт биелэхгүй байх нь эрчим хүчний системд ажилладаг байгууллагуудын үйл ажиллагаанд доголдол үүсгэдэг. Иймд 2020 оны 11-р сарын цахилгаан, дулааны төлбөрийг энэ ондоо багтаан барагдуулахыг ЭХЗХ-ны Эрчим хүчний хэмнэлтийн бодлогын газрын дарга Ц.Атаржаргал уриаллаа.
Засгийн газраас 2020 оны 12-р сарын 1-наас 2021 оны 7-р сарын 1-нийг хүртэлх цахилгаан, дулаан, хогны мөнгийг тэглэж, энэ төлбөрийг уулын баяжуулах “Эрдэнэт үйлдвэр” хариуцахаар болсон. Төлбөрийг тэглэсэн ч айл өрх, албан байгууллагын хэрэглэсэн цахилгааныг урьдын адил бичих бөгөөд өнгөрсөн жилийн мөн үеийнхтэй ижил хэмжээний төлбөрийг “Эрдэнэт үйлдвэр” хариуцна. Харин давсан хэрэглээг иргэн, ААН өөрөө төлөх юм.
Сэтгэгдэл бичих