Хөвсгөл аймгийн Мөрөн сумаас гарах хөдөлгөөнийг өнөөдрийн 22:00 цаг хүртэл хаажээ.
Хязгаарлалт тогтоож буй шалтгааныг Хөвсгөл аймгийн Эрүүл мэндийн газрын дарга М.Үүрийнбаяр ‘Хөвсгөл аймаг нь хөдөлгөөний урсгал ихтэй тул халдвар дотоодод орж ирсэн байж болзошгүй гэж үзэн хяналт тандалтыг хийж байгаа. Одоогоор 800 орчим хүнд түргэвчилсэн оношлуураар шинжилгээ хийхэд эрсдэлтэй тохиолдол гарсан. Сорьцыг Улаанбаатар хот руу илгээж баталгаажуулах ёстой. Маргааш(өнөөдөр) шинжилгээний хариу гарна’ гэлээ.
Өнөөдрийн 22:00 цаг хүртэл хугацаанд
- Бөөгнөрөл үүсдэг газруудад ариутгал халдваргүйтгэл хийнэ. Иймд худалдааны төв, зах, бөөний төвүүдийн үйл ажиллагааг 23-ны 22:00 цаг хүртэл зогсооно
- Мөрөн сум руу орох хөдөлгөөнийг тодорхой хэмжээнд хязгаарлан, хүндэтгэн үзэх шалтгаантай, цөөн тооны иргэдийг оруулна
- Мөрөн сумаас зөвхөн буяны болон эмнэлгийн автомашиныг гаргана.
Сэтгэгдэл бичих