Хардалтын улмаас хоёр хүн хутгалж, нэгийнх нь амийг хөнөөсөн хэрэг энэ сарын 27-ны өдөр гарчээ. Тодруулбал, Дархан-Уул аймгийн Дархан сумын иргэн, 46 настай эмэгтэй А гэгч согтуурсан үедээ тус сумын Мангиртын … тоотод оршин суух 39 настай эрэгтэй Б-г нуруун тус газарт нь хутгалж, амь насыг нь хохироожээ.
Түүнчлэн хүний аминд хүрснийхээ дараа мөн сумын харьяат 41 настай эмэгтэйд халдаж, нуруунд нь хутгалж гэмтээсэн байна.
Шалгалтын явцад дээрх хүмүүс нь хамтдаа архидан согтуурсан болох нь тогтоогдсон бөгөөд хүний амь нас хохироосон, бусдын биед санаатайгаар гэмтэл учруулсан эмэгтэйг саатуулжээ.
Хэргийг Дархан-Уул аймаг дахь цагдаагийн газарт үргэлжлүүлэн шалгаж байна.
Сэтгэгдэл бичих